It-tmiem tal-2017 u l-bidu ta’ l-2018

Ninstabu fl-aħħar jiem tas-sena 2017 u għalhekk ftit jiem il-bod mill-bidu tas-sena 2018. Bħalma jiġri lejn kull tmiem ta’ sena, dawn l-aħħar jiem tas-sena jkunu okkażjoni perfetta sabiex niftakru ftit minn xiex inkunu għaddejna matul is-sena. Niftakru mhux għax għandna nħarsu lura imma sabiex nieħdu l-lezzjonijiet ta’ dak li jkun offra l-passat riċenti u nitgħallmu minnhom għal futur.

L-Elezzjoni Ġenerali
Is-sena 2017 fetħet fuq nota ta’ skandlu internazzjonali li kien qiegħed joħloq pressjoni kbira fuq il-gvern Laburista, jiġifieri l-iskandlu tal-Panama Papers. Il-gvern Laburista kien qiegħed isib ruħu bi kritika internazzjonali u b’dubji dejjem jikbru minn ċirku dejjem jikber fis-soċjeta’ u anke fuq livell internazzjonali. F’Ġunju 2017 il-Prim Ministru għamel kalkolu politiku u sejjaħ elezzjoni ġenerali. Kien kalkolu politiku meqjus u korett f’termini elettorali għaliex il-Partit Laburista ħareġ rebbieħ bil-kbir. Kien kalkolu żbaljat għal kollox iżda f’termini ta’ kemm tali riżultat kien ser iservi ta’ proċess ta’ white wash għall-akbar skandlu politiku li qatt ra pajjiżna. Il-gvern Laburista qiegħed itemm l-2017 bl-istess mod li bdiha; b’dubji dejjem jikbru u b’kritika ħarxa fuq livell internazzjonali.

Daphne Caruana Galizia

L-2017 tibqa’ mfakkra wkoll għall-qtil brutali tal-ġurnalista Daphne Caruana Galizia. Kien qtil barbaru u brutali li ħasad lil kull min għandu għal qalbu l-liberta’ u d-demokrazija f’pajjiżna. Dan il-kapitlu mill-aktar iswed li nfetaħ beraħ f’Ottubru 2017 ser jibqa’ magħna fix-xhur li ġejjin fl-2018. Il-qtil ta’ ġurnalista investigattiva huwa ta’ għajb għal pajjiż li jaspira li jkun meqjus bħala demokrazija Ewropea. Pajjiżna issa qed jistenna li dwar dan il-każ iseħħ ġustizzja.

Adrian Delia, David Agius u Robert Arrigo
Is-sena 2017 kienet sena ta’ bidla għal Partit Nazzjonalista. Kienet is-sena li fiha t-tesserati bl-aktar mod miftuħ u demokratiku għażlu bl-liberta’ sħiħa lil Adrian Delia bħala Kap tal-Partit Nazzjonalista, b’David Agius u Robert Arrigo bħala Viċi Kapijiet. It-triq il-quddiem għal Partit Nazzjonalista mhijiex waħda faċli u bla dubju ta’ xejn l-2018 ser tkun sena ta’ sfidi għal Partit Nazzjonalista. Perswas iżda li bi spirtu ta’ għaqda, naħdmu lkoll id f’id, taħt it-tmexxija ta’ Adrian Delia nistgħu mill-ġdid noffru lil pajjiżna Partit Nazzjonalista b’saħħtu; oppożizzjoni pożittiva li toffri l-id tal-ħbiberija fejn ikun fl-aqwa interess nazzjonali u fl-istess waqt tkun tarka ta’ difiża u toffri kritika ċara u ħarxa fejn l-aqwa interess nazzjonali jitlob li jsir hekk.

Donald Trump
Fuq livell internazzjonali l-figura ta’ Donald Trump iddominat l-aħbarijiet. Il-Presidenza ta’ Trump bħal donnu qegħda tassigura li l-Partit Repubblikan ser ikollu sfida iebsa sew f’kull elezzjoni li jmiss fl-Istati Uniti sakemm idumm din il-Presidenza. Trump kien elett fuq biljett populist; biljett li fih wiegħed lil kullħadd kollox u kanta d-diska li ħafna riedu jisimgħu. Din id-diska ġiet kantata anke jekk kien ċar li kien ser ikun impossibli li titwettaq. Bla dubju ta’ xejn is-sena 2017 kienet kulurita għal Trump; minn stejjer ta’ tkeċċija wara l-oħra fil-gvern tiegħu, għal suċċess parlamentari fir-riforma tal-liġi tat-tassazzjoni, għal kontroversja internazzjonali dwar id-dikjarazzjoni ta’ Ġerusalemm bħala l-belt kapitali ta’ Iżrael, għal numru ta’ telfiet elettorali koroh għal Partit Repubblikan.

L-2018
Diffiċli wieħed jgħid x’ser toffri l-2018. Għalhekk ejja nħarsu lejn il-futur b’lenti pożittiva u b’entużjażmu. Minn hawn nieħu l-opportunita’ nawgura lil qarreja kollha ta’ In-Nazzjon bidu tas-sena mill-aqwa. Appell ukoll sabiex kullħadd jiċċelebra lejliet l-ewwel tas-sena b’responsabilita’. Ejja nieħdu gost mingħajr ma’ nkunu ta’ deni għal ħadd.

Legal Deja' Vu

I shall not venture to comment directly on the current court proceedings concerning those accused of the homicide of journalist Daphne Caruana Galizia. Suffice to say that I believe the judiciary is under enough pressure as it is given the way things are developing in the situation. I have always had and still have full respect towards our judiciary and towards the Maltese Courts and because I hold the judiciary and the Maltese Courts in a light of respect I will not be the one to throw reckless commentary online or in any other forum for that matter.

What we are seeing in this case is not however altogether new territory for our courts. Indeed, this is a case deja’ vu where history is repeating itself. I’m sure that the lawyers and the members of the judiciary involved in the Daphne Caruana Galizia need no lectures from me so I will not even dare be presumptuous enough to lecture them. I write merely by way of legal and historical interest and not to lecture anyone or to pontificate to anyone about what should be done with regards to the case at hand.

In the 1980’s Malta’s political scene was alight with the famous ġlieda ta’ l-iskejjel tal-knisja. The case went from being a political battle between the church and the state to being a legal battle between the two. A problem developed when sitting judges where being asked to recuse themselves from hearing the ensuing legal case due to perceived conflicts of interest. For a time it seemed the case was destined to end in embarrassment for the Maltese Courts.

On October 22nd 1984, the Hon. Wallace Gulia, the Hon. Stephen Borg Cardona and the Hon. Joseph D Camilleri carved their names in legal history when in the case L-E.T. Rev.ma Monsinjur Arċisqof Ġuzzeppi Mercieca pro et noe vs L-Onorevoli Prim Ministru noe et, the court presided by them declared that,

Ikkunsidrat li jidher essenzjali li jkun assigurat li ssir ġustizzja skond il-liġi. Il-Qorti tippretendi li l-ġustizzja skond il-liġi ssir bir-rakkmu u r-raffinatezza kollha ukoll; iżda l-ordni tal-prijorita’ loġika fil-ħajja żgur li titlob li l-ewwel għandha tkun assigurata s-sostanza tal-ġustizzja u wara d-delikatezza tar-raffinetezza tagħha.

In the same case the court cited ‘Constitutional and Administrative Law – de Smith’, fourth edition, Street and Brazier who in page 570 had declared that

In very exceptional circumstances, all the adjuticators are affected by a disqualifying interest in which case they may have to sit as a matter of neccessity.

This 1984 case makes for very interesting reading given the circumstances we are currently witnessing.

A spent force!

To say that I am highly sceptical of Marlene Farrugia and her Partit Demokratiku would be an understatement. The way events unfolded following the General Election in June 2017 have more than amply demonstrated that joining forces with a Partit Demokratiku that was, and remains, largely dominated by Marlene Farrugia was a mistake. I have made no secret of my political disagreement with Farrugia and a number of decisions she has made since June 2017, so much so that I stated so point blank in an article published on The Times on August 22nd 2017.

I must thus highly welcome the decision taken tonight by the PN to formally dissolve the alliance with the Partit Demokratiku. In fairness it would be wrong to point fingers as to whether it was initially a good idea or not to join forces with the Partit Demokratiku. It would be easy to point fingers when one enjoys the benefit of hindsight; its an altogether different reality when one is deciding on a step never before tried and tested. Alas time has provided hindsight and the PN did the right move of taking correctionary measures.

Marlene Farrugia’s PD proved to be an unreliable ally; an unsteady ally, an ally that was never quite fully accepted by the electorate, an ally that was weakening PN rather than strengthening it. To cut ties was not an easy decision I’m sure. It took courage and a sense of leadership to come to such a decision. PN leader Adrian Delia must thus be applauded for having grabbed the bull by the horns and taking this difficult, but all be it, very much needed, decision.

PN needs to re-organise and focus on being a positive opposition. An opposition that that offers constructive criticism; an opposition that strives to make a difference even from the opposition benches; an opposition that is determined to be effective. It cannot possibly afford to waste any time with the childish games of Partit Demokratiku.

In reacting to the news of the dissolution of the Forza Nazzjonali PD issued a Press Release. Their Press Release goes a long way in proving just how irrelevant PD is fast becoming. PD stated that, “PD continues to welcome the disillusioned political refugees who have been failed by the parties forming the status quo and who, like the Partit Demokratiku and its MPs, do not recognise Adrian Delia as the Leader of the Opposition. The ideals of Forza Nazzjonali shall live on in PD, as they have since Delia's election”. No party can hope to have a very long future when its sole purpose seems to be that of rejecting the democratically elected leader of another political party.

Good move PN! Let’s focus and work for Malta. There is much work to be done and we can’t waste any more time on the antics of Farrugia and her party.
-->

Is-Soċjalisti u t-tax havens!

Fl-aħħar xhur u ġimgħat is-suġġett dwar l-hekk msejħa tax havens kien wieħed topiku ħafna fuq livell globali. Revelazzjonijiet bħal dawk tal-Panama Papers servew sabiex l-attenzjoni globali dahret fuq id-dinja tas-servizzi finanzjarji u l-iskemi differenti f’pajjiżi differenti fejn tidħol it-tassazzjoni.

L-ewwel u qabel kollox wieħed irid jibda billi jkun ċar fuq xiex qegħdin nitkellmu. Meta ngħidu l-industrija tas-servizzi finanzjarji u l-industrija tal-gaming qegħdin nitkellmu fuq tnejn mill-aktar niċċeċ importanti ta’ l-ekonomija Maltija. Niċċeċ li twieldu taħt gvern Nazzjonalista u llum kibru sabiex saru kollonna prinċipali ta’ l-ekonomija Maltija. Dawn il-pilastri ekonomiċi mhumiex biss setturi li joffru impjieg u dħul għal dawk li jaħdmu b’mod dirett fihom bħal accountants, awdituri, avukati, nies gradwati fl-IT u gradwati tal-kummerċ. Huma pilastri ekonomiċi li fuqhom hemm ekonomija sħiħa dipendenti fosthom kiri ta’ uffiċini, manteniment ta’ sistemi tal-IT, fornituri ta’ materjal ta’ stationary, fornituri ta’ servizz ta’ tindif ta’ uffiċini u anke ristoranti u lukandi li jospitaw business meetings u konferenzi. Għalhekk qegħdin nitkellmu fuq pilastri fundamentali għal maġġoranza tal-poplu.

Bħala pajjiż żgħir Malta għandha bosta żvantaġġi meta kkumparat ma’ pajjiżi kbar bħal Ġermanja, Spanja, l-Italja u Franza. Għalhekk pajjiżi żgħar bħal Malta, l-Olanda, l-Lussemburgu, l-Estonja u Ċipru joffru inċentivi ta’ taxxa sabiex jiġi investiment barrani fil-pajjiż. Dawn l-inċentivi jassiguraw sitwazzjoni fejn il-pajjiż ikollu dħul akbar ta’ taxxa permezz ta’ investiment miżjud u fl-istess waqt igawdi mill-effett tat-tkabbir ekonomiku li jġib tali investment grazzi għal żieda fl-impjiegi u l-nfieq fil-pajjiż. Fil-fatt studju riċenti tat-Tax Justice Network żvela li mingħajr dawn l-inċentivi Malta titlef kważi nofs l-industrija tas-servizzi finanzjarji.

Ikun min jargumenta jekk b’dawn l-inċentivi Malta hijiex tirrendi ruħha tax haven. Meta wieħed juża l-kelma tax haven ikun qiegħed jirreferi għal pajjiż fejn permezz ta’ segretezza assoluta jinżamm mistur min hu s-sid ta’ kumpanija bir-riżultat li tali sid jispiċċa ma’ jħallas ebda taxxa. F’Malta s-sidien ta’ kumpaniji Maltin jinstabu mniżżla fir-Reġistru tal-Kumpaniji, reġistru aċċessibli b’mod pubbliku fuq l-internet. Aktar min hekk, Malta għandha trattati ta’ koperazzjoni ma’ numru kbir ta’ pajjiżi u taderixxi mal-Common Reporting Standard tal-OECD fejn b’hekk Malta tosserva l-obbligu internazzjonali tagħha li tgħati informazzjoni lil pajjiżi barranin dwar investituri minn dawk il-pajjiżi li jkollhom investimenti f’Malta sabiex b’hekk ma’ jkunx possibli li dawn jevadu l-ħlas ta’ kull xorta ta’ taxxa.

Huwa fid-dawl ta’ dan kollu li huwa xokkanti li l-Partit tas-Soċjalisti Ewropej, li tiegħu l-Partit Laburista huwa membru, ressaq emenda quddiem il-Parlament Ewropew sabiex Malta tiġi mniżżla bħala tax haven. Li kieku Malta tiġi mniżżla bħala tax haven Malta jkollha problemi mill-aktar serji u l-industriji tal-gaming u s-servizzi finanzjarji jkunu mhedda serjament. Anke jekk fir-realta’ Malta mhijiex tax haven il-fatt li jkollha tali klassifikazzjoni huwa biżżejed biex pajjiżi barranin jibdew jitfaw lil Malta fi blacklist, mossa li tnixxef għal kollox l-investiment barrani.

Il-Partit Popolari Ewropew, li tiegħu l-Partit Nazzjonalista huwa membru, diġa ħabbar pubblikament li ser jopponi l-emenda tas-Soċjalisti. Il-PPE għalhekk ser ikun qiegħed jiddefendi l-interess ta’ Malta; l-interess nazzjonali. Minn naħa l-oħra is-Soċjalisti ser ikunu qegħdin jheddu b’mod dirett l-interess nazzjonali ta’ pajjiżna.

Għalkemm l-MEP’s Laburisti ħabbru li ma’ kienux ser jivvotaw mas-Soċjalisti xejn ma’ jħassar il-fatt li l-istess MEP’s Laburisti ma’ kellhomx l-abilita’ li jikkonvinċu lil sħabhom is-Soċjalisti. Mhux l-istess jista’ jingħad fuq David Casa, Roberta Metsola u Francis Zammit Dimech li bil-ħidma tagħhom assiguraw l-PPE ser ikun unit favur l-interess tagħna lkoll.

Dan l-artiklu nkiteb it-Tlieta 12 ta' Diċembru 2017 u ċioe' qabel il-vot fil-Parlament Ewropew. L-istess artiklu ġie pubblikat fil-ħarġa tan-Nazzjon tal-Ħamis 14 ta' Diċembru 2017. 

The United States of Europe

“Let us create a new and better Europe! I want a new constitutional treaty to establish the United States of Europe. A Europe that is no threat to its member states, but a beneficial addition.

A convention shall draft this treaty in close cooperation with the civil society and the people. Its results will then be submitted to all member states. Any state that won’t ratify this treaty will automatically leave the EU.”

German Socialist leader and former European Parliament President Martin Schulz yesterday posted the above comment on his official Facebook page. Given a number of current issues currently dominating both the local and international scene I don’t expect this post by Mr. Schulz to gain much public attention. On a global level issues such as the status of Jerusalem and Brexit negotiations will definitely continue to dominate whilst on a local level, issues such as the ongoing investigations and legal proceedings regarding the murder of Daphne Caruana Galizia will continue to dominate the scene. That having been said Mr. Schulz’s post deserves some thinking. 

The proposal to have a United States of Europe is neither new nor innovative. Suffice to say that the subject has been debated from well before the European Union itself ever came to fruition. On that front thus Mr. Schulz’s proposal for a United States of Europe can only best be described as a regurgitation of an age old debate which tends to resurface from time to time. 

The idea is also not too innovative in terms of the convention drafting a treaty and submitting the said treaty to all member states. In the history of the European Union 2004 is remembered as the year when the spotlight went on the ‘Treaty establishing a Constitution for Europe’. The treaty, commonly referred to as the European Constitution, had been met with skepticism in a number of member states from day one. Ultimately the process ground to a halt following referenda in France and Holland where the No vote emerged victorious. 

The propose the same idea, all be it in an even sharper form, after just ten years would normally perhaps be described as risky. To do so in a context where Euro skepticism is sadly on the rise and where the European Union is having to deal with its first member state exit can only be described as being out of touch with reality. To further propose a take it or leave it approach where those not in agreement are simply chucked out the club is nothing short of absolute arrogance. 

Mr. Schulz’s proposal shall only serve to add fuel to the fire in terms of the fertile ground being used by Euro-skeptics to drum up all sorts of horror stories about the EU. Rather than looking to forge ahead with the idea of changing what is essentially a union of sovereign national states into a federal state, the more prudent approach would be to first see to it that the citizens of the said national states are convinced that we should be in a union to begin with. 

The biggest threat to European integration is the sharp rise of Euro-skepticism. Euro-skepticism will not be defeated by acting in the manner it so colorfully criticizes; the bulldozer approach where the bureaucrat holds little regard for the general public opinion. Euro-skepticism will be defeated by taking notes with regards to any constructive criticism it has to offer, limited as it may be, and building on that constructive criticism to demonstrate that European integration is in the best interest of every European. 

Mr. Schulz’s proposal thus at this stage is at best premature and ill-thought and at worst undemocratic, arrogant and completely out of touch with reality.

Jien lest li ngħin...u int?

Nhar il-Ħadd li ġej il-Partit Nazzjonalista ser ikun qiegħed jorganizza maratona ta’ ġbir ta’ fondi. Bla dubju ta’ xejn ikun hemm min jistaqsi għaliex għandu jgħin lil Partit Nazzjonalista; għaliex għandu jgħin partit għal ħames snin li ġejjin ċertament ser ikun fl-oppożizzjoni; għaliex għandu jgħin partit li ġa la darba qiegħed fl-oppożizzjoni mhuwiex fl-aħjar posizzjoni biex jagħmel xita ta’ wegħdiet personali lil dak u lill-ieħor. Ikun hemm mbgħad min jilmenta li din mhijiex l-ewwel maratona ta’ ġbir tal-Partit Nazzjonalista; li matul din is-sena l-Partit Nazzjonalista diġa ħabbat il-bieb drabi oħra jitlob il-ġenerosita’ tal-pubbliku. 

Ir-realta’ hi li biex tħaddem partit trid il-fondi. Struttura organizzattiva kbira bħal Partit Nazzjonalista tirrikjedi numru ta’ ħaddiema full time u part time, fondi sabiex jinżammu strutturi fiżiċi bħal per eżempju manutenzjoni tad-Dar Ċentrali u manutenzjoni tal-Każini u fondi sabiex il-media tal-Partit Nazzjonalista tibqa’ aġġornata ma’ l-iżviluppi teknoloġiċi sabiex il-messaġġ tal-Partit Nazzjonalista jkun jista’ jasal b’mod effettiv. Partit politiku kbir jeħtieġ investiment kontinwu; aktar u aktar meta fi ħdanu jinkludi mhux biss l-element politiku ta’ partit imma anke l-element ta’ kull pjattaforma ta’ media u presenza fiżika fil-maġġoranza assoluta tal-bliet u rħula Maltin u Għawdxin. 

F’pajjiż demokratiku huwa importanti li f’kull ħin u mument ikun hemm gvern u oppożizzjoni li t-tnejn ikunu elettoralment b’saħħithom u f’posizzjoni li jaqdu r-rwol rispettiv tagħhom. Pajjiż bi gvern b’oppożizzjoni dgħajfa wisq aktarx ikun pajjiż fejn id-demokrazija tibda titnaqqar; fejn il-gvern jibda jħossu komdu bl-aktar mod flagranti jibqa’ għaddej minn fuq kullħadd daqs li kieku xejn m’hu xejn u mingħajr ma’ tali gvern jiffaċja ebda konsegwenza. Ċertament li kull min hu ta’ rieda tajba ma’ jridx li Malta jkollha dan ix-xenarju. Ċertament li kull min hu ta’ rieda tajba jrid li f’Malta l-poplu jkollu l-għażla demokratika bejn forzi politiċi differenti. Sabiex verament ikun hemm din l-għażla libera’ u demokratika huwa essenzjali li l-Partit Nazzjonalista jkun fi stat li jista’ joffri alternattiva kreddibli u jaqdi l-funzjoni tiegħu. Għal dan kollu hemm biss il-qalb tal-volontiera; il-ħidma bla waqfien ta’ l-attivisti iżda wkoll il-fondi. 

Il-Malti jgħid li bla flus la tgħannaq u l’anqas tbus. Ma’ jfissirx li l-flus huma kollox; ma’ jfissirx li l-qalb ġeneruża tal-volontiera u l-enerġija u l-entużjażmu ta’ l-attivisti ma’ tfisser xejn. Anzi, bil-flus biss, ikun kollox ta’ xejn għaliex ir-ruħ u l-pedament ta’ partit politiku hija l-qalb tal-volontiera u l-entużjażmu ta’ l-attivisti. Ir-realta’ iżda li li l-istil modern tal-politika fuq livell Ewropew huwa still li jinvolvi nfieq konsiderevoli. 

Mingħajr dubju ta’ xejn nhar il-Ħadd li ġej ser ikunu ħafna dawk li ser ikunu ġenerużi mal-Partit Nazzjonalista. Ser ikunu ħafna dawk li bl-għotja tagħhom, żgħira kemm hi żgħira, ser jgħinu sabiex f’pajjiżna jkollna oppożizzjoni li tista’ taqdi d-dmir u d-dover tagħha bl-aħjar mod possibli. Ser ikunu ħafna dawk li ser jgħatu sinjal ta’ appoġġ lil Partit Nazzjonalista; issa b’Kap ġdid Adrian Delia u bi tmexxija ġdida. 

-->

Il-Plattina tal-Fidda

Bl-Ingliż meta ngħidu li xi ħaġa ġiet served on a silver platter nkunu qegħdin ngħidu li xi ħadd akkwista’ xi ħaġa b’faċilita’ kbira; anzi forsi aktarx b’wisq faċilita’ meta wieħed iqies dak li jkun ġie akwistat. Fil-fatt l-espressjoni served on a silver platter ġeneralment tintuża f’kuntesti negattivi li jindikaw li ħadd għamel il-ħajja ta’ ħaddieħor wisq faċli.

Hija espressjoni li bħalissa tapplika għal Malta u r-reputazzjoni internazzjonali tagħha. Il-qasam tas-servizzi finanzjarji huwa pilastru mill-aktar importanti fl-ekonomija Maltija. Huwa qasam li qiegħed mhux biss jiġġenera ħafna xogħol imma ħafna xogħol ta’ kwalita’ għolja. Xogħol li sar sors ta’ għixien għal bosta nies, direttament permezz ta’ ħidma fis-settur jew indirettament permezz ta’ servizzi offruti lil uffiċini u kumpaniji fis-settur.

Sabiex pajjiż ikollu qasam tas-servizzi finanzjarji b’saħħtu jeħtieġ li jkollu sistema legali soda u business friendly. Sistema legali mibnija bil-ħsieb li pajjiż ikun ser isir ċentru tas-servizzi finanzjarji fuq skala internazzjonali. Pajjiż irid ukoll ikollu reputazzjoni tajba u nadifa. Investituri kbar u ta’ reputazzjoni dejjem jfittxu li jkunu assoċjati ma’ pajjiżi li m’hemm ebda ombra ta’ dubju dwar ir-reputazzjoni tagħhom. Pajjiżi b’dubji serji dwarhom wisq aktarx jispiċċaw kapaċi biss jattiraw it-tip ta’ investiment li fl-aħjar xenarju huwa insostennibli fit-tul u fl-agħar xenarju għandu konessjonijiet kriminali.

Huwa għalhekk fundamentali li pajjiżna dejjem jara li jkollu qafas legali li jippermetti lis-settur tas-servizzi finanzarji jikber u jifjorixxi. Dwar dan ftit hemm dubji għaliex jekk f’pajjiżna hemm suġġett li dwaru hemm qbil politiku huwa propju dwar dan. Il-Partit Nazzjonalista welled is-servizzi finanzarji u għalhekk bla dubju ta’ xejn huwa kommess li jkompli jaħdem sabiex dan is-settur ikompli jikber u jifjorixxi. Fejn jidħol il-qafas legali tal-liġijiet ftit hemm x’tilmenta dwar gvern Laburista. Dan kompla jibni fuq il-ħidma tal-Partit Nazzjonalista u kompla jsostni liġijiet li jgħinu fit-tkattir tas-servizzi finanzarji.

Mhux l-istess jista’ jingħad fejn tidħol ir-reputazzjoni ta’ pajjiżna. Il-kwistjoni tar-reputazzjoni mhijiex xi ħaġa żgħira jew sekondarja. Hija fundamentali daqs il-qafas legali jekk mhux kważi kważi aktar għaliex inutli għandek il-liġijiet imma m’għandekx investituri li jridu jmissu mal-pajjiż. Huwa għalhekk li kull mossa jew nuqqas ta’ deċiżjoni li tista’ twassal għal sitwazzjoni ta’ nuqqas fiduċja f’pajjiżna għandha tiġi evitata għal kollox mill-gvern. Ikun żball ukoll jekk naħsbu li jekk nipprovaw nsikktu l-kritiċi lokali sejrin b’xi mod nsolvu l-problema. Bħalma aħna nsiru nafu x’inhu jiġri f’pajjiżi oħra f’tebqa ta’ għajn daqstant ieħor ħaddieħor isir jaf x’inhu jiġri f’pajjiżna f’tebqa ta’ għajn. Illum il-ġurnata grazzi għall-internet l-informazzjoni saret aċċessibli b’ħeffa kbira u b’faċilita’ kbira. Dak li ma rridux li jtebba isem pajjiżna għandna naraw li ma’ jiġrix u mhux nipprovaw nsiktu lil kritiċi milli jitkelmu dwaru.

Huwa stat ta’ fatt li bħal kull ċentru ieħor ta’ servizzi finanzarji pajjiżna għandu rivali. Rivali li jew jixtiequ jisirqu l-industrija minn hawn nkella huwa fl-interess dirett tagħhom li Malta ma’ ssirx ċentru tas-servizzi finanzjarji. Ejja ma nħallux li jkollna gvern li bl-azzjonijiet tiegħu stess jagħmel il-ħajja ta’ dawn ir-rivali faċli billi jippermetti isem pajjiżna jiġi mħammeġ. Let us not serve our reputation and the industry to our rivals on a silver platter; biex nkunu użajna l-famuża espressjoni f’kuntest.

Bejn proċess elettorali u proċess ta’ tiġdid

Fi tmiem il-ġimgħa li għaddiet it-tesserati tal-Partit Nazzjonalista kienu mill-ġdid msejħa sabiex jagħmlu għażla. Din id-darba t-tesserati kienu msejħa jagħżlu żewġ Viċi Kapijiet ġodda għal Partit Nazzjonalista. 

Qabel xejn ikun sewwa u ġust li wieħed jibda billi jrodd ħajr lil Beppe Fenech Adami u Mario De Marco li tul l-aħħar snin servew fil-kariga ta’ Viċi Kap. Bla dubju ta’ xejn ftit jista’ jkun hemm dubju dwar is-sens ta’ sagrifiċċju personali li mxew bih Beppe u Mario u s-sens ta’ dedikazzjoni assoluta li dejjem urew lejn il-pajjiż u l-Partit Nazzjonalista. Għalkemm issa Beppe u Mario mhumiex ser iservu iżjed fil-kariga ta’ Viċi Kap għad fadlilhom ħafna x’joffru lil Partit Nazzjonalista. 

It-tmiem ta’ Beppe u Mario mill-kariga ta’ Viċi Kap tfisser ukoll il-bidu tal-ħidma ta’ David Agius u Robert Arrigo fil-kariga ta’ Viċi Kap. F’dawn it-tnejn minn nies il-Partit Nazzjonalista għandu potenzjal kbir. 

David Agius għandu kwalitajiet mill-aqwa fis-sens li jlaqqa’ f’persuna waħda l-abilta’ teknika fit-tħaddim tal-‘logħba’ parlamentari u abilta’ ċara fil-kommunikazzjoni, mhux biss kommunikazzjoni fis-sens tal-mass media imma anke fuq livell personali. Kwalitajiet li bla dubju ta’ xejn ser jgħinu lil David Agius sabiex ikun ta’ spalla għal Kap tal-Partit Adrian Delia kemm fil-ħidma parlamentari tal-Partit, li bla dubju ta’ xejn dejjem hi waħda kumplessa; kif ukoll fil-ħidma tal-partit sabiex il-partit ikun tassew qrib in-nies u fost in-nies. Għandi fiduċja sħiħa, li kif dejjem għamel fil-passat David Agius ser ikompli jkun xhieda ta’ servizz leali lejn il-pajjiż u l-partit. 

Minn naħa l-oħra f’Robert Arrigo l-Partit Nazzjonalista għandu persuna bi kwalitajiet organizzativi mill-aqwa. Persuna li fih tispikka l-enerġija, l-ħeġġa u l-idejat ġodda ta’ kif il-Partit Nazzjonalista jista’ jkompli jieħu l-ħajja. Persuna li l-ħidma politika tiegħu hija karaterizzata minn elettorat fid-disgħa u l-għaxar distrett li jsib f’Robert Arrigo mhux biss politiku denju imma ħabib u spalla li dejjem lest li jgħin. Il-kwalitajiet organizzattivi ta’ Robert Arrigo magħquda ma’ din l-abilta’ li jkun qrib in-nies u ta’ spalla għan-nies huma ċertament kwalitajiet li ser jagħmlu minn Robert Arrigo sisien importanti għal Partit Nazzjonalista u għal Kap tal-Partit Adrian Delia. Fuq kollox ser jagħmlu minn Robert Arrigo persuna li ser ikun strumentali fit-tisħiħ tal-Partit Nazzjonalista; xi ħaġa li bla dubju ta’ xejn hija fl-aqwa interess nazzjonali. 

Ikun żball jekk ninsew li f’din it-tellieqa kien hemm żewġ kontestanti oħra. Ikun żball jekk ma nurux apprezzament lejn Edwin Vassallo u l-Perit Toni Bezzina. F’Edwin Vassallo u l-Perit Toni Bezzina l-Partit Nazzjonalista għandu żewġ politiċi ġenwini li motivati mill-ġenwinita’ tagħhom offrew li jkunu ta’ servizz. Żewġ politiċi li għalkemm l-elettorat ma’ sejħilhomx sabiex iservu bħala Viċi Kap bla dubju ta’ xejn għandhom ħafna ħidma x’joffru lil Partit Nazzjonalista u għandu jkun aċċertat li t-tnejn jingħataw spazju sħiħ sabiex il-potenzjal tagħhom jintuża bl-aħjar mod possibli. Fuq kollox huma żewġ politiċi li wkoll bil-ħidma attivta’ tagħhom għandu ħafna x’jiggwadanja l-pajjiż u l-partit. 

Prosit!

Ngħalaq billi ngħati l-awguri tiegħi lil dawk kollha li f’dawn il-jiem qegħdin jiggradwaw. Awguri u prosit talli l-ħidma tagħhom qegħda tgħati l-frott. Bla dubju ta’ xejn fuq nota personali ħafna ngħati l-awguri lil Charlene li din il-ġimgħa gradwat fil-kors tal-liġi. Prosit Charlene...kburi bik!

-->

Dawk it-tradituri!

Il-kelma traditur dan l-aħħar tant saret komuni fid-dizzjunarju politiku Malti li anke politiċi Ewropej saru konxji mill-fatt li din il-kelma iebsa saret tintuża b’mod regolari. Meta takkuża lil xi ħadd bħala traditur ta’ pajjiżu tkun qiegħed takkużah b’wieħed mill-aktar rejati serji kontemplati fil-liġi. Tkun qiegħed takkużah b’reat li huwa mhux biss serju fil-liġi imma wkoll moralment xokkanti.

Imma xi jkun traditur? X’jagħmel lil xi ħadd traditur? Traditur huwa dak li jmur kontra pajjiżu fis-sens li jaħdem b’mod dirett kontra l-interess tal-pajjiż u l-poplu. Traditur huwa dak li bl-azzjoni tiegħu jpoġġi l-interess ta’ xi individwu jew pajjiż ieħor qabel dak ta’ pajjiżu stess. Traditur huwa dak li bl-azzjoni tiegħu, konxjament jagħmel ħsara lil pajjiżu u jibqa’ għaddej b’din il-ħsara sempliċiment għaliex qiegħed ipoġġi xi interess ieħor l-ewwel u qabel kollox. Tali tradiment huwa dejjem ħażin, iżda aktar u aktar meta jkun ġej minn uffiċjal pubbliku jew politiku, liema uffiċjal jew politiku huwa raġjonevolment mistenni li jaħdem favur l-interess nazzjonali.

Tiġi mbgħad il-mistoqsija allura, x’inhu l-interess nazzjonali? X’inhu dan l-interess li jekk xi ħadd imur direttament kontrih ikun qiegħed iwettaq reat hekk faħxi legalment u moralment? Huwa f’dan il-punt li fl-istorja politika dinjija nsibu tiżwiqa ta’ interpretazzjonijiet.

Huwa komuni li f’pajjiżi dittatorjali bħal Korea ta’ Fuq, iċ-Ċina, Kuba u oħrajn li tlissen opinjoni kontra l-President jew Prim Ministru tikkostitwixxi tradiment tal-pajjiż. F’dawn il-pajjiżi kullħadd huwa mistenni jbaxxi rasu mingħajr ebda mistoqsija u min ma’ jagħmilx hekk għandu jitqies bħala traditur. Huwa għalhekk komuni li min f’dawn il-pajjiżi jipprova jgħolli leħnu sabiex jitkellem dwar l-inġustizzji li jkunu għaddejin, il-korruzzjoni rampanti jew favur il-liberta’ tal-kelma u s-saltna tad-dritt jsib ruħu mixli bħala traditur u arrestat jew maqtul permezz ta’ piena kapitali.

F’pajjiżi demokratiċi minn naħa l-oħra, l-kritika dwar l-inġustizzji, d-difiża tal-liberta’ tal-kelma, d-difiża tas-saltna tad-dritt u l-ħidma kontra korruzzjoni rampanti huma mhux biss mhux meqjusa bħala att ta’ tradiment imma anzi huma meqjusa bħala forma ta’ ħidma favur l-interess nazzjonali. F’pajjiżi demokratiċi hemm linja ċara bejn l-interess politiku tal-partit fil-gvern u l-interess nazzjonali. F’pajjiżi demokratiċi huwa normali li ħidma favur id-demokrazija, favur is-saltna tad-dritt u kontra l-korruzzjoni titqies bħala ħidma fl-interess nazzjonali għaliex huwa meqjus li huwa fl-interess nazzjonali li f’pajjiż ikun hemm id-demokrazija, s-saltna tad-dritt u l-ġustizzja.

Is-sistema demokratika hija mibnija fuq il-pedament ta’ kritika kostruttiva. Is-sistema demokratika hija dipendenti fuq il-liberta’ ta’ l-espressjoni. Is-sistema demokratika hija dipendenti fuq is-saltna tad-dritt, fuq il-ġustizzja, fuq il-ġurnaliżmu investigattiv. Is-sistema demokratika hija dipendenti fuq l-abilta’ ta’ forzi politiċi u s-soċjeta’ ċivili li jwasslu l-kritika tagħhom u li jwettqu ħidma politika sabiex l-affarijiet imorru għal aħjar u jsiru u b’mod differenti.

Li wieħed jargumenta li tali ħidma tikkostitwixxi tradiment huwa għalhekk argument perikoluż ferm. Fejn ser tieqaf il-linja ta’ tradiment? Jekk jien nkun kritiku tal-gvern u nagħmel dan bl-Ingliż fuq l-internet fejn allura l-barranin jistaw jaraw il-kritika tiegħi nkun traditur ta’ pajjiżi? Bl-Ingliż ngħidulha a slipperi slope, jiġifieri triq perikoluża li jekk nibdew mixjin fiha ser nmorru l-isfel minflok il-fuq.

Huwa normali li fil-konfront ta’ kritika jkun hemm tweġiba. F’demokrazija l-kritika u t-tweġiba huma aspetti mill-aktar normali. Iżda li l-kelma traditur tintuża bħal li kieku xejn m’hu xejn huwa biss normali f’pajjiżi bħal Kuba, iċ-Ċina u l-Korea ta’ Fuq.

Storja ta’ oppożizzjoni ‘rrelevanti’

“Dr Muscat, li kien qed iwieġeb intervent tal-Kap tal-Oppożizzjoni fil-bidu tas-seduta Parlamentari tal-lejla, qal li l-Gvern mill-ewwel iddikjara li s-sitwazzjoni hi gravi b’dak li ġara fil-pajjiż. Iżda l-Gvern ma qalx li l-budget huwa irrelevanti. “Anzi nappellalu to get a grip għax kif inhuma l-affarijiet mhux il-budget irrelevanti; l-Oppożizzjoni se ssir irrelevanti”.”

Is-silta li biha ftaħt dan l-artiklu mhijiex meħuda minn xi rapport ta’ In-Nazzjon jew Netnews.com.mt fejn forsi wieħed jista’ jargumenta li hemm interess partiġġjan li jista’ jwassal sabiex xi kwotazzjoni tal-Prim Ministru Joseph Muscat ttieħed barra mill-kuntest. Is-silta li biha ftaħt dan l-artiklu hija meħuda mill-portal ta’ One News fejn l-istess One News kien qiegħed jirraporta d-diskors tal-Prim Ministru Joseph Muscat fil-Parlament din il-ġimgħa.

Silta li bla dubju ta’ xejn għal kull min għandu għal qalbu d-demokrazija hija ta’ għajb. Ta’ għajb għaliex fiha l-Prim Ministru ma sab ebda diffikulta jiddikjara li għalih partit politiku li jirrapreżenta ftit inqas minn nofs il-parlament Malti u ftit inqas minn nofs l-elettoral li vvota fl-elezzjoni ta’ Ġunju 2017 huwa rrelevanti.

Il-mistoqsija hawn toħroġ ċara; jekk għal Muscat l-oppożizzjoni hija rrelevanti, allura l-gvern huwa wieħed mingħajr ebda oppożizzjoni; gvern li jista’ jagħmel li jrid, x’ħin irid u ħadd ma’ jista jkellmu? Min jemmen fid-demokrazija ma’ jista’ qatt jara lill-oppożizzjoni bħala rrelevanti anke jekk forsi l-msemmija oppożizzjoni tkun għaddeja min żmien ta’ sfida fejn forsi f’termini elettorali huwa ċar li l-partit fil-gvern jinstab f’vantaġġ ċar.

Kemm kien ikun aħjar għad-demokrazija li kieku Joseph Muscat, minkejja li forsi l-oppożizzjoni vera qed tiffaċja mument ta’ sfida jibqa’ juri rispett sħiħ lejn ir-rwol vitali tal-oppożizzjoni f’demokrazija minflok ma’ jikxef idejh li għalih l-oppożizzjoni saret nullita. Kemm kien ikun aħjar għad-demokrazija li kieku Joseph Muscat wera li bħala bniedem demokratiku għalih huwa importanti li fil-pajjiż jibqa’ jkun hemm kontribut minn naħa ta’ l-oppożizzjoni.

Din l-attitudni xejn pożittiva ta’ Joseph Muscat tkompli tixhed aktar u aktar kemm għandu raġun il-Kap tal-Partit Nazzjonalista Adrian Delia fid-diskors qawwi li għamel fl-għeluq tal-Kunsill Ġenerali tal-Partit Nazzjonalista. Tkompli tixhed kemm huwa importanti li naħdmu lkoll flimkien, spalla ma’ spalla, niġbdu ħabel wieħed sabiex nġeddu l-Partit Nazzjonalista u nagħmlu mill-Partit Nazzjonalista gvern alternattiv. Kemm huwa importanti li l-enerġija kollha tagħna tkun iffukata fuq l-interess nazzjonali, fuq il-futur ta’ pajjiżna, fuq kif ser nisfruttaw l-aqwa potenzjal ta’ din Malta tagħna. Kemm huwa importanti li nużaw l-enerġija b’mod pożittiv u mhux naħlu l-enerġija tagħna fuq kwistjonijiet ta’ natura sekondarja li għandhom jibqaw dejjem interni u qatt ma’ jsiru esterni jew personali.

Pajjiżna qiegħed isejħilna. Pajjiżna għandu bżonn Partit Nazzjonalista b’saħħtu li joffri oppożizzjoni kredibli u effettiva. Pajjiżna ma’ jistax ikollu Prim Ministru li jħossu tant invinċibbli li mingħajr ebda sens ta’ mistħija jmur fil-parlament jgħid li għalih l-oppożizzjoni hija rrelevanti. Li f’Malta l-gvern jirrispetta l-oppożizzjoni mhijiex xi battalja ta’ Nazzjonalisti kontra Laburisti jew viċi versa. Li f’Malta l-gvern jirrispetta l-oppożizzjoni hija fundamentali għad-demokrazija, rrispettivament minn liema partit jifforma l-gvern u liema partit jifforma l-oppożizzjoni.

Storja ta’ demokrazija normali

Huwa bir-raġun li nistennew li f’pajjiżna għandu jkollna sitwazzjoni ta’ demokrazija normali. Pajjiżna huwa stat membru ta’ l-Unjoni Ewropea, stat fejn is-saltna tad-dritt suppost ilha stabbilita’ snin sħaħ, stat li ekonomikament qiegħed f’sitwazzjoni pożittiva, stat li l-aspirazzjoni tiegħu hi li jkun l-aqwa fl-Ewropa.

Huwa bir-raġun għalhekk li l-Partit Nazzjonalista, s-soċjeta ċivili u l-media indipendenti, kemm lokali kif ukoll internazzjonali, esprimew tħassib dwar dak li qiegħed iseħħ f’Malta. Is-sitwazzjoni f’Malta hija waħda fejn f’moħħ il-poplu l-korruzzjoni saret xi ħaġa komuni, kważi kważi aċċettabli u parti mis-sistema ta’ normalita’ Maltija. Sitwazzjoni fejn f’moħħ il-poplu bħal donnu ftit hemm ċans li jkun hemm ġustizzja għaliex bħal donnu tassew sar vera il-qawl Malti li bil-flus tagħmel triq fil-baħar. Anke jekk wieħed jista’ forsi jargumenta li fir-realta’ s-sitwazzjoni mhijiex daqshekk negattiva, l-fatt li l-poplu u l-media indipendenti lokali u internazzjonali jinstabu daqstant mħassba minnha nfisha mhijiex sitwazzjoni ta’ demokrazija normali imma hija sitwazzjoni li għandha tqanqal tħassib f’kull min għandu għal qalbu lil Malta.

Aktat ta’ tħassib huwa l-fatt li  b’sitwazzjoni fejn it-tħassib mhuwiex limitat għal oppożizzjoni, imma huwa mifrux fost is-soċjeta’ ċivili li ma’ tarax kuluri partiġġjani, l-media indipendenti u saħansitra l-media internazzjonali, l-gvern qiegħed jagħmel bħal gallozz u jidfen rasu fir-ramel billi jibqa’ jinsisti li m’hemm xejn ħażin, kollox business as usual. Gvern li jibqa’ jinsisti li kull min hu b’xi mod mħasseb mhuwiex mħasseb għaliex ġenwinament għandu għal qalbu d-demokrazija f’Malta imma għaliex jew huwa parti mill-Partit Nazzjonalista jew huwa influwenzat mill-Partit Nazzjonalista.

Għalhekk fl-isfond ta’ dan kollu huwa ċar li pajjiżna għandu bżonn soċjeta’ ċivili vibranti u Partit Nazzjonalista b’saħħtu. Pajjiżna għandu bżonn soċjeta’ ċivili vibranti għaliex tali soċjeta’ ċivili jżomm lil kull politiku, jkun x’ikun il-kulur tiegħu, accountable. Soċjeta’ ċivili li ma’ tistax tisfa vittma, anke jekk mhux intenzjonalment, ta’ interessi elettorali imma li tista’ tispira ruħha unikament mill-kawża li fiha tkun temmen.

Minn naħa l-oħra pajjiżna għandu bżonn Partit Nazzjonalista b’saħħtu; partit li l-enerġija tiegħu jużaha unikament u kompletament sabiex jibni lilu nnifsu bħala gvern alternattiv filwaqt li joffri oppożizzjoni soda u fl-istess ħin kostruttiva. Partit Nazzjonalista li jeħtieġ li jkun fi stat sabiex jibgħat messaġġ ċar; sabiex iwassal il-messaġġ tiegħu, sabiex ikun sors ta’ tama fil-politika Maltija, sabiex ikun mill-ġdid sors ta’ ispirazzjoni u viżjoni. Dan kollu l-Partit Nazzjonalista jista’ jagħmlu biss bl-isforz kolletiv ta’ kull wieħed u waħda minnha. Dan kollu l-Partit Nazzjonalista jista’ jagħmlu billi nfittxu dak li jgħaqqadna u mhux dak li jifridna. Dan kollu l-Partit Nazzjonalista jista’ jagħmlu jekk l-enerġija tagħna nużawha fil-pożittiv u mhux fin-negattiv.

Is-Senatur Amerikan Cory Booker darba qal, “We don’t always have to agree, but we must empower each other, we must find the common ground, we must build bridges across our differences to pursue the common good”. Huwa mingħajr dubju ta’ xejn li l-interess nazzjonali li f’pajjiżna jkollna demokrazija normali għandu jiġi qabel kull differenza li forsi tista’ b’xi mod tifridna. Huwa mingħajr dubju li f’dan iż-żmien ta’ sfida hemm bżonn l-għaqda fil-Partit Nazzjonalista. Huwa mingħajr dubju li permezz ta’ l-għaqda l-Partit Nazzjonalista jkun f’posizzjoni li jwettaq d-dover tiegħu fl-aħjar interess nazzjonali bl-aktar mod effettiv possibli.

Going well beyond Daphne...

Our country is still in shock after what happened yesterday. The assassination of Daphne Caruana Galizia goes well beyond a simple murder. Any murder is always a crime of the most heinous order and deserves the full attention of the authorities. This murder should be no different; a woman was killed by an assassin who showed no regard for the sanctity of life or the rule of law. Finding the assassin of Daphne Caruana Galizia is the job of the relevant authorities and once identified it will be the job of courts to make sure that the said assassin gets his due. 

Yet what happened goes well beyond the murder of Daphne Caruana Galizia. Whilst it is only right and just to mourn her loss on a personal level and to feel sympathy towards her husband Peter, her 3 sons and the rest of her family, we must in the grander scheme of things mourn something which goes well beyond; democracy itself! 

Daphne Caruana Galizia had a particular style of journalism and writing. Her criticism was open, harsh and unforgiving. Her targets where varied including some of the highest authorities in the country. She made no exceptions in establishing people she deemed worthy of criticism. 

Was her tone the right tone to adopt? Was her targeting unfair at times? Was her content often verging on the libellous? Were her stories based on truth or fiction? In a democracy we are all free to draw our own conclusions on these questions. We are all free to draw our conclusions in as public a manner as we choose to do so. For those who may have perhaps fallen within her radar of criticism, in a manner they deem to be unfair or unjust, there are legal remedies which may be availed of so that if any law has been broken emends may be made accordingly. 

The debate thus must not be as to whether we liked Daphne and her style of journalism or not. The debate must not be as to whether we agreed with her or even believed her. The debate must be as to whether in a democracy Daphne Caruana Galizia should have paid with her own life simply because she chose to make her opinions and views well known to one and all. The debate must be as to whether having a popular blog in this country is tantamount to literally putting one’s neck on the guillotine! 

Should opinion writing and investigative journalism be so risky in a modern democracy? Can we truly call ourselves a democracy or are we merely a state that has an election every five years or so? Can anyone feel safe to express his political views or act as a whistle-blower for the truth in today’s Malta? 

This is what we should truly be mourning today. The loss of a sense of freedom that in a modern democracy should be taken for granted but which yesterday went up in smoke for our beloved country. 

I must at the end of my short piece here quote two good friends of mine, whose sentiments I fully share. My good friend Mark Anthony Sammut wrote, “Daphne ma nqatlitx minn bomba. Daphne inqatlet minn Stat li falla. U minn kull wieħed u waħda minna li konna lesti nagħlqu għajnejna għal dan kollu. Għax il-but kien sejjer tajjeb. Għax konna komdi. Għax ir-rota qed iddur. Għax fil-verita', għalkemm ma rridux nammettu, morna lura flok 'il quddiem. Għax jekk qabel għal ħabba konna nqaxxru qamla, illum għal ewro lesti nħallu pajjiż jinqered. Anzi, konna lesti nħallu lil xi ħadd minn ħutna jmut”. A completely precise analysis. Another good friend of mine, Alan Abela-Wadge on the other hand wrote, “they might have silenced Daphne and gave you a scope to celebrate, but I got news for you. They cannot silence ALL of us. Daphne maybe gone, but her spirit will live forever”, making sure Daphne’s spirit lives forever is perhaps the best way we can make amends for the wrongs so precisely highlighted by Mark Anthony in his blog.

26 sena ta' Radio 101

Radio 101 illum qiegħed jiċċelebra s-26 anniversarju tiegħu. 26 sena ilu Radio 101 ingħaqad mal-ġurnali tal-Partit Nazzjonalista bħala mezz ieħor ta’ xandir fi ħdan l-fergħa tal-media tal-Partit Nazzjonalista. Illum jifforma parti minn katina ta’ mezzi differenti fosthom il-portal NET News, l-istazzjon tat-television NET Television u l-gazzetti In-Nazzjon u Il-Mument. 

Bla dubju ta’ xejn Radio 101 huwa stazzjon li jgħaddi kemm jgħaddi ser jibqa’ dejjem f’qalbi. Matul kważi għaxar snin li għamilt naħdem fil-kamra ta’ l-aħbarijiet bħala ġurnalist il-maġġoranza tal-ħidma tiegħi kienet fuq Radio 101. Żmien li bla dubju ta’ xejn ser nibqa’ ngħożż għal dejjem. Kelli l-unur u l-opportunita’ naħdem ma’ uħud mill-aqwa ġurnalisti f’pajjiżna. 

Iżda r-rabta tiegħi ma’ Radio 101 tmur saħansitra aktar lura mill-impjieg tiegħi fi ħdan il-kamra ta’ l-aħbarijiet. Propju tmur lura għaż-żmien meta kont nagħmel l-analiżi tal-ġurnali; l-ewwel rwol tiegħi fuq Radio 101. Illum, minkejja li m’għadniex parti mill-kamra ta’ l-aħbarijiet, għadni b’mod attiv nikkontribwixxi fuq l-istazzjon Radio 101 permezz tal-programm ta’ attwalita’ politika ‘Taħdidiet’ li jixxandar kull nhar ta’ Sibt filgħodu bejn l-għaxra u nofs in-nhar. 

Bla dubju ta’ xejn Radio 101 jibqa’ għal dejjem għal qalbi b’mod speċjali minħabba l-programm ‘Mill-Lenti Żgħażugħa’ li kont ntellgħa flimkien ma’ Charlene madwar 4 snin ilu. 

Min hawn nrodd ħajr u grazzi lis-semmiegħa kollha ta’ Radio 101. Il-lealta’ tagħkom tgħati lil kullħadd l-enerġija meħtieġa sabiex l-istazzjon ikollu futur sabiħ. Nħares il-quddiem lejn it-tkomplija tat-tisħiħ ta’ Radio 101 u ta’ aktar titjib f’Radio 101. Minn naħa tiegħi nibqa’ dispost li noffri l-enerġija tiegħi kollha fi ħdan dan l-istazzjon tant għal qalbi. Happy 26th Anniversary Radio 101!